بيروت
 °22 م
°21 م
مشمس
| لندن
 °21 م
°11 م
زخات مطر
| الرياض
°40 م
°26 م
مشمس
|
Dow Jones Industr(10340.7)
NASDAQ Composite(2915.86)
FTSE 100(5875.93)
^CASE30(0)
USD to EUR(0.7539)
USD to GBP(0.6325)
|
|
-
الحلوة « النعوّمة»السبت, 13 مارس 2010
عيني اللي من وصال أحبابها محرومـه
مالقت عقب الحبايـب واحـدٍ يرحمهـا
حزنها بـادي وفيهـا دمعـةٍ مكتومـه
دمعـةٍ لازاد همـي لينـي مولّمـهـا
ضاق بالي والسعاده داخلـي معدومـه
والتعاسه بيـنٍ فـي ناظـري مقدمهـا
منطوي والهم يأخذ فوق راسي حومـه
كنه الغيمـه وبـرّاق الوجـع قاسمهـا
صابر ومن جاه ماجاني تضيع علومـه
والله انّ تمّـره الأنسـام ماينسمـهـا
وحدي ومن كان وحده بيغدي بهمومـه
يبني صروح الهواجس جوفه ويهدمهـا
فاقدٍ بنت الكـرام الغضّـه المحشومـه
وخايفٍ لا الشوق يأخذني وأصيح أزهمها
خبري ابها مثل حلـمٍ قاطعتـه القومـه
ذكرياتٍ ودي أرجـع واغفـي وأحلمهـا
لابدت قلـت أقبلـي يالحلـوه النّعومـه
حي والله شوفتك ياجعلني مـا أعدمهـا
تنظر لعيني بعيـنٍ كـن فيهـا نومـه
وتبتسم مدري تبسـم عينهـا أو فمهـا
عطفها في داخل فوادي تفيض غيومـه
أكرمتني بالحنـان ولاقـدرت أحرمهـا
من غرامٍ في ضلوعي جذوته مضرومه
لاخبت نـاره شـوي يولعـه مبسمهـا
بعد ذا غابت وبعثـر فقدهـا المنظومـه
وقمت ببيوت القصيد أعيدهـا وأنظمهـا
مرزوق الروقي
|
|
الحلوة « النعوّمة»
اختيار حلو جدا بودي لو يكون عندك اكثر ترسلينه اذا ممكن ؟